Yesu kristo yari umuntu ufite umubiri w’umuntu kandi akaba buri gihe mu byukuri ari Imana. Nkuko yagendaga avugana n’abamukurikiye, ubumuntu bwe nibwo babonaga. Yesu yararyaga, akaryama, kandi akanaruha, nkabo. Igihe cyimwe Yesu yerekana ubumana bwe kubamukurikiye ba bugufi. Byagenze gutya: Yesu yajyanye na Petero, Yakobo na Yohana ku musozi, ako kanya ahindukira mu maso yabo. Isura ye n’imyenda ye bihinduka ukundi birarabagirana ku buryo batashoboraga kumureba. Abahanuzi Mose na Eliya baraza bamujya i ruhande Ijwi rya Se rivugira mw’ijuru riti: “Uyu niwe mwana wanjye nkunda. Mumwumvire”. Maze ako kanya wa mucyo urabura. Yesu mu mateka ye yiyerekanye nka Kristo nyir’icyubahiro.